జపనీస్ పంక్ట్చువాలిటీ

జపనీయుల పంక్చువాలిటీ చూస్తే దిమ్మ తిరిగి మైండు బ్లాక్ అయ్యింది. వాళ్ళ బుల్లెట్ ట్రైన్ ల నుంచి అన్నీ పంక్చువల్ గా నడుస్తాయి. మనుషులైతే మరీనూ. మేము అక్కడున్న మూడు రోజులు ఉదయం 8 గంటలకి మమ్మల్ని పికప్ చేసుకోవడానికి మా జపాన్ ఏజెంట్ వాళ్ళ ఆఫీసు మనిషి వచ్చేవాడు. ఏ రోజు అతను ఒక్క నిమిషం కూడా లేటు గా రాలేదు. అతనుండేది మా హోటల్ నుంచి గంట ప్రయాణం. పైగా మమ్మల్ని రాత్రి హోటల్ దగ్గిర దించేసరికి రాత్రి 11 గంటలు అయ్యేది. అయినా అతనేనాడూ లేటుగా వచ్చేవాడు కాదు.
మేము టోక్యో లో ఒక ట్రేడ్ ఫెయిర్ లో ఎగ్సిబిట్ చేయడానికి వెళ్ళాము. అక్కడ స్టాల్లో ఉండగా చూసాము,మాకు అప్పాయింట్మెంట్ ఇచ్చిన వ్యక్తి అప్పాయింట్మెంట్ టైముకన్నా 5 నిమిషాలు ముందుగా మా స్టాలు వద్దకు వచ్చినప్పటికీ, మేము స్టాల్లొ ఖాలీగా గోళ్ళు గిల్లుకుంటూ కూర్చున్నప్పటికీ అతను స్టాల్ల్ లోనికి రాలేదు. ఖరక్టుగా అప్పాయింట్మెంట్ టైముకి అతను స్టాల్లోకి వచ్చి కూర్చొన్నాడు. అదీ వాళ్ళ టైం పంక్చువాలిటీ.