Krishnarjun's blog ......నా బ్లాగ్ .... నా ఇష్టం...
Encumberance Certificate కోసం రిజిస్ట్రేషన్ ఆఫీస్ చుట్టూ తిరగనక్కరలేదిక.
మీరింక ఇంటివద్దనుంచే సెర్చ్ చెసుకోవచ్చు.
కింది లింక్ క్లిక్ చేయండి.
జపనీస్ హొటళ్ళు:
జపాన్ లో భూమి చాలా ఖరీదు, టొక్యో లాంటి సిటీ లో ఐతే అడుగు స్థలం దొరకడమే మహ గగనం. హొటల్ చార్జీలు గూబ గుయ్యిమనిపిస్తాయి. పైగా హొటల్ రూములు చాలా చిన్నవిగా ఉంటాయి. కాని ఆ చిన్న ప్రదేశం లోనే అన్ని సౌకర్యాలను పొందుపరుస్తారు. మేము దిగింది హొటల్ కందా స్టేషన్ హొటల్.రూం చిన్నదే.టాయిలెట్ ఐతే మరీ 3" x 5" సైజు లో ఉంది. అందులోనే బాత్ టబ్ కూడా ఏర్పాటు చేసారు. సబ్బు బిళ్ళల బదులుగ లిక్విడ్ సొపు ఉంచారు. సబ్బు బిళ్ళలు వేస్టు గాకుండా మంచి పద్దతి. లాండ్రీ లేదు ఆ హోటల్లో, ఒక చోట ఒక చిన్న వాషింగ్ మెషీను ఏర్పాటు చేసారు. మనమే ఉతుక్కోవాలన్నమాట !!. రూం రెంట్ రోజు కి 5000 రూ.లు. టీవీ లో కొన్ని ఫ్రీ చానెల్స్ మాత్రమే వస్తాయి. పెయిడ్/ పోర్న్ చానెల్స్ చూస్తే హొటల్ బిల్లు మోతమోగుద్ది. హొటల్నుంచి ఫొను మాట్లాడినా అంతే సంగతులు.
జపనీస్ కాప్స్యూల్ హొటళ్ళు :
పక్క ఫొటోల్లొని పెట్టెలను చూసారుగా. ఇవీ కాప్స్యూల్ హొటళ్ళంటే. రోజుకి 1500 రూ.ల అద్దె తో లభిస్తాయివి. చిన్న చిన్న వ్యాపారస్తులకీ, టూరిస్టులకీ, దగ్గరలో పనిచేసే ఉద్యోగస్తులకీ ఇవి వాళ్ళ బడ్జెట్లో దొరుకుతాయి.ఇక్కడ ఉద్యోగస్తులు ఆఫీసుల్లో ఎక్కువ సమయం గడుపుతారు,ఆఫీసు సమయం దాటినా సీట్లకే అతుక్కొని వుంటారు. చీకటి పడ్డాక తమ సహోద్యోగులతో లేదా ఉన్నతోద్యోగులతో బార్లు,రెస్టారెంట్లలో గడుపుతారు. అర్ధరాట్రి దాటితే లొకల్ ట్రైన్లు దొరకవు, దూరంగా ఉండే తమ గ్రుహాలకు వెళ్ళలేక రాత్రుళ్ళు ఈ కాప్స్యూల్ హొటళ్ళలో గడుపుతారు. 2 మీ x 1 మీ x 1మీ సైజు ఉండే ఈ కాప్స్యూల్ పెట్టెల్లో టీవీ, రేడియో, అలారం తదితరాలు ఉంటాయి. స్నానాల గదులు మాత్రం కామన్ గా ఉంటాయి.
हम को मन की शक्ति देना, मन विजय करेदूसरों की जय से पहले ख़ुद को जय करेहम को...भेद भाव अपने दिल से साफ़ कर सकेदोस्तों से भूल हो तो माफ़ कर सकेझूठ से बचे रहे, सच का दम भरेदूसरों की जय से पहले ख़ुद को जय करेहम को मन की शक्ति देना, मन विजय करेदूसरों की जय से पहले ख़ुद को जय करेमुश्किलें पड़ें तो हम पे इतना कर्म करसाथ दें तो धर्म का, चलेंगे धर्म परख़ुद पे हौसला रहे, बदी से न डरेदूसरों की जय से पहले, ख़ुद को जय करेहम को मन की शक्ति देना, मन विजय करेदूसरों की जय से पहले ख़ुद को जय करे
Translation in English :
Please grant us the power over our minds so that the mind may score a victory over itself before it can score victory over others.
We pray to eschew all ill feelings from our hearts.
Give us the power to forgive our friends when they err.
Save us from lies, and stick to the truthIf we face any hazards,
God do this favour, Let us support 'Dharma' and let us walk on the path of 'Dharma'
Let us retain faith in ourselves and not succumb to evil.
SOURCE : YOUTUBE
SHINKANSEN - Japanese bullet train that connects Tokyo and Osaka cities, a distance of 515 km is covered in 2 hr 30 min.ఈ వీడియో చూస్తే మాత్రం ముంబయి లోకల్ ట్రైన్ కంటే జపాన్ లోకల్ ట్రైన్ వెయ్యి రెట్లు బెటర్ అనిపిస్తుంది.
కామ,క్రోధ,లోభ,మోహ,మద,మాత్సర్యాదులు చుట్టుముట్టినప్పుడు భాగవతోత్తములైన ప్రహ్లాద, నారద, పరాశర, పుండరీక,వ్యాస,అంబరీష,శుక,శౌనక, భీష్మ,రుక్మాంగద,అర్జున,వశిష్ట,విభీషణాదులను తలచుకొన్నంత అవి పటాపంచలవును.
బాహ్యంగా గంభీరం గా అనిపించినా అంతర్గతంగా నీ మనసే వెన్న. "నాన్నా పులి" కథలో నాన్నవు కాదు నువ్వు, ఎన్ని తప్పులు చేసినా క్షమించే అనురాగమూర్తివి నువ్వు. అది గ్రహించేసరికి నేను పెద్దవాడినైపొయాను. Better late than never, I love you dad. Happy fathers day.Layout Regularisation scheme గడువు 31-12-2010 వరకు పొడిగించబడింది.
ఇంతకుముందు అప్లై చేయని వారికి ఇది మరొక అవకాశం.
నాకు బాగా నచ్చిన సినిమాలలో బాపు - పెళ్ళిపుస్తకం ఒకటి.అందులోని కొన్ని డైలాగులు / బాపు కొటేషన్లు నాకు బాగా నచ్చాయి. నేను చాలా సంధర్భాలలో వాటిని కోట్ చేస్తూఉంటాను కూడా. అవి...
1) అసూయ ఘాటైన ప్రేమకి థెర్మామీటర్ వంటిది.
2) మంచి చెడ్డలు రాశులు పోసినట్లు వేరు వేరు గా ఉండవు. అవసరాన్నిబట్టి మంచితనం అవకాశాన్నిబట్టి చెడ్డతనం పెరుగుతాయి.
3) నమ్మకం లేని చోట నారాయణా అన్నా బూతు మాటలాగా వినిపిస్తుంది అదే నమ్మకమున్నచోట బూతు కూడ నారాయణా అన్నట్టు ఉంటుంది.
4) అవకాశాన్నిబట్టి మంచివాళ్ళు చెడ్డవాళ్ళవచ్చు, అవకాశం లేకపోతే చెడ్డవాళ్ళుకూడా మంచివాళ్ళుగా మిగిలిపోవచ్చు. వౄద్ధ నారీ పతివ్రతహా
5) తగాదాలు లేని జీవితం పోపు లేని సాంబారు లాగా ఉంటుంది.
ఈ సంధర్భంలో నాకు బాపు - పెళ్ళిపుస్తకం సినిమాలోని డైలాగు గుర్తుకొస్తూంది.
"మంచి చెడు అనేవి రాశుల్లా పోసి ఉండవు.. మంచి వాడు అవసరం కొద్దీ /అవకాశం వస్తే చెడ్డ వాడిగా మారచ్చు.. చెడ్డ వాడు అవకాశం లేక/ రాక మంచి వాడు గా మిగిలిపోవచ్చు". ( వ్రుద్ధ నారీ పతివ్రతహా )
విషాదం ఏమిటంటే, ఈ కాలం యువతి అయిఉండి కూడా, పెళ్ళి కోసం ఇంతగా తాపత్రయపడటం, పెళ్ళేపరమావధి అన్నట్టుగా, శ్రీధర్ తప్పితే ఇంకెవరూ దొరకరన్నరీతిలో నేరానికి తెగించడం, ఒక తప్పు కప్పిపుచ్చడానికి ఇంకో తప్పు చేయడం.
Moral of the story : Crime never pays.
http://ibnlive.in.com/news/andhra-tv-actress-held-for-attack-on-fianc/124112-8-69.html?from=tn
ఒకానొక గ్రామంలో రామయ్య అనే గ్రామపెద్ద ఉండేవాడు, అతనికి ఆ గ్రామంలోనే కాకుండా ఆ చుట్టుపక్కల గ్రామాలలొ కూడ మంచి పేరు ఉండేది. అందరూ తమ సమస్యలను అతనికి చెప్పి ఆయన సలహలు తీసుకునేవారు. కొన్నాళ్ళకు రామయ్య మరణించాడు.అతని కొడుకులైన శీనయ్య, సీతయ్యలు గ్రామపెద్దలు గా వ్యవహరించేవారు.గ్రామ ప్రజలు వారి వద్దకు తమ తమ సమస్యలతో రాసాగారు. కొన్నాళ్ళకు శీనయ్య వద్దకు వచ్చే వారు క్రమంగా తగ్గిపోసాగారు.మరోపక్క సీతయ్య వద్దకు వచ్చే వారి సంఖ్య పెరగసాగింది.చుట్టుపక్కల గ్రామాలలో సీతయ్యకి మంచి పేరు రాసాగింది.
తన దగ్గరకు వచ్చేవారు తగ్గటం చూసి, శీనయ్య తన సొదరుడైన సీతయ్య వద్దకు వెళ్ళి ఈ విషయం చెప్పి తన వద్దకు జనం ఎందుకు రావటం లేదు కారణం ఏమై ఉంటుందని అడిగాడు.
దానికి సీతయ్య నవ్వి, సోదరా,సలహల కోసం మనవద్దకు వచ్చేవారిలో చాలామటుకు మంది ముందుగానే ఒక అభిప్రాయాన్ని ఏర్పరచుకొనే వస్తారు. అందుకే నెను నా వద్దకు వచ్చేవారి సమస్య విన్నాక ముందుగా వారేమిచేద్దామనుకుంటున్నారో అడిగి తెలుసుకుంటాను. కాస్త అటూ ఇటూగా వారు చేద్దామనుకుంటున్నదానినే నేను వారికి సలహాగా ఇస్తాను. వారు చేద్దామనుకుంటున్నదానిని సమర్ధించడం వల్ల మనం మంచి సలహ ఇచ్చామన్న భావన వారికి, మన సలహ మన్నించారనే త్రుప్తి మనకి కలుగుతుంది అన్నాడు.
సోదరుడి సలహా పాటించి శీనయ్య కూడా త్వరలోనే మంచి పేరు సంపాదించుకున్నాడు.
చిన్నప్పుడు చందమామ లో చదివిన ఈ కథ నాకు బాగా గుర్తుండే, నేను పక్కగా అనుసరించే నీతి కథ.
భారతదేశం లో ఏ వ్యాపారాన్ని తీసుకున్నా,న్యాయం గా,ధర్మంగా చేస్తే అవి గిట్టుబాటుగా ఉండవని నాకు అనిపిస్తూంటుంది. నాకు ఎదురైన కొన్ని ఉదాహరణలు.
1) మా పక్క కాలనీలో ఒక స్వీట్ షాపు ఉంది.చిన్న కాలనీకి ఆ స్వీట్ షాప్ అవసరమా అనిపించేది, రోజుకి నలుగురో, ఐదుగురోకస్టమర్లు వచేవారు. ఆ మాత్రం కస్టమర్లకి బిజినెస్ ఏవిధంగా గిట్టుబాటు అవుతుందో అని నా డౌటు. ఒక రోజు రాత్రి నాకు అర్ధం అయ్యింది ఆ షాపు ఎలా నడుస్తుందో, ఆ షాపులో స్వీట్లు,సాఫ్త్ డ్రింకులతోబాటుగా బీర్లు అమ్ముతారు. అసలు కస్టమర్లు వచ్చేది రాత్రి పది దాటిన తరువాత అదీ బీర్లు, విస్కీలు కొనడానికి. అదీ సంగతి
2)అదే కాలనీలో ఒక స్వగ్రుహా షాపు ఉంది.మేము రెగ్యులర్ గా కారా, మిక్చర్లు గట్రా కొంటామా షాపులో. ఒక సారి ఆ షాపు కి వెళ్తే మిక్చర్ లేదు, రేషన్ బియ్యం ఇంకా రాలేదు వచ్చాక మిక్చర్ చేస్తాము అని అన్నారు. రెండు రూపాయల బియ్యం, సబ్సిడీ గ్యాస్,కిరోసిన్ లేకుంటే ఆ వ్యాపారం కూడా గిట్టుబాటు గాని వ్యాపారం అన్నమాట.
3)ఎగస్ట్రా ఫ్లోర్లు,సెల్లార్లో ఫ్లాట్లు,పెంట్ హౌస్ లు కట్టి అమ్ముకోకపోతే బిల్డర్లకు గిట్టుబాటు కాదు. ఎకరం 2 కోట్లు పెట్టి కొంటే, పునాదులకని తవ్విన మట్టి అమ్ముకుంటే దాదాపుగా 20లక్షలు ఆదాయం వస్తుంది.
4) రెండు రోజుల క్రితం మనం చూసిన లిక్కర్ షాపు టెండర్లలోను అంతే. ఒక్కో షాపుని కోట్లల్లొ పాడారు.నల్ల డబ్బుని తెల్లగా మార్చుకోవడానికే అంతగా ఖర్చు చేసారని వినికిడి.
5) ఇక ఫార్మా కంపెనీల గురించి చెప్పక్కర్లేదు, chemial waste ఎక్కడయినా పారబోయక పొతే వాటికి గిట్టుబాటు కాదు.
6) TV చానెల్స్ కి ఐతే Paid news, yellow journalism అసలైన రాబడి మార్గాలు.
ఇవి మచ్చుకి కొన్ని మాత్రమే. తరచి తరచి చూస్తే అన్ని వ్యాపారాల పరిస్థితి ఇంచుమించుగా ఇంతే అనిపిస్తుంది.
వౄత్తి రీత్యా నేను Pharma sales person ని, వౄత్తి కి సంభంధించి చాలా కాలం క్రితమే నేను కొన్ని Blogs ప్రారంభించినా, ప్రవ్రుత్తి ని, బాషాభిమానాన్ని చాటుకోవడానికి, నా అభిప్రాయాలు వ్యక్తం చేసుకొవదానికి, తెలుగు లో ఈ Blog ని ఆరంభిస్తున్నాను.
ఇది, అది అని ఏ ఒక్క దానికో పరిమితం కాకుండా ఫార్మా నుంచి మీడియా, పాలిటిక్స్,సినిమా, రియల్ ఎస్టేట్ దాకా నాకు అభిరుచి ఉన్న అన్ని విషయాలను స్ప్రుశించనున్నాను.
మీ
క్రిష్ణ
