మీలో చాలా మంది 3 Idiots సినిమా చూసుండే ఉంటారు. అందులో ఆల్ ఈజ్ వెల్" కాన్సెప్ట్ మీకు నచ్చిందనుకుంటాను. జీవితంలో కష్టాలు,నష్టాలు, దుఖ్ఖం, బాధలు కలిగినప్పుడు "ఆల్ ఈజ్ వెల్, ఆల్ ఈజ్ వెల్.." అని గుండె మీద తట్టుకొని మనకి మనమే భరోసా ఇచ్చుకుంటే ఆ కష్టాల్ని సులువుగా అధిగమించ గలుగుతాము.
ఇటువంటిదే నా చిన్నప్పుడు నాకు మా తాత గారు నేర్పినది. "DONT WORRY BE HAPPY, I WILL HELP YOU.. ".
మా తాత గారు మెహెర్ బాబా భక్తులు. "DONT WORRY BE HAPPY, I WILL HELP YOU.. ". అనేది మెహెర్ బాబా గారి ప్రవచితం. కొత్త కార్యక్రమాలేవైనా ప్రారంభించేటప్పుడు, పరీక్షలు వ్రాసేటప్పుడు నాకు బాబా సహాయం ఉందనే ధైర్యం చాలా బలాన్నిచ్చేది.
రెండవది, నా స్నేహితుడు గరికపాటి శ్రీనివాస్ నుంచి గ్రాడ్యుయేషన్ రోజుల్లో నేర్చుకొన్నది.. " WHAT IS THE MAXIMUM LOSS ?? ". మనిషికి జీవితంలో అత్యంత ముఖ్యమైనది, విలువైనది అతని ప్రాణాన్ని మించినది వేరొకటి ఉండదు. ఏదేని సంధర్భంలో మనం కొన్ని రిస్కీ పనులు చేపట్టాల్సి వచ్చినప్పుడు " WHAT IS THE MAXIMUM LOSS ?? అని మనల్ని మనం ప్రశ్నించుకుంటె, ప్రాణనికి ఢోకా లేని పని ఐతే చేయవచ్చనే ధైర్యం పొందగలగటం దీని కాన్సెప్ట్.
No comments:
Post a Comment